Ритуальные услуги г. Кунгур, Кунгурский район, Пермский край. Организация похорон по муниципальным ценам. Эвакуация умерших. Захоронение на кладбищах г. Кунгур, Кунгурский район, Пермский край.

Календарь церковных праздников и постов, словарь имён, жития святых на сайте «Ритуальные услуги» г. Кунгур. Список тропарей; молитвы и евангельские чтения на каждый день.

Наши адреса:
ул.Бачурина, 76
Березовский тракт, 1
Наши телефоны:
+7 (34271) 2-58-12
+7 (34271) 4-12-52
Время работы:
ПН-ПТ: 09:00 - 18:00
СБ-ВС: 10:00 - 15:00
Бесплатная консультация

Православный календарь на каждый день

Суббота 10 ноября 2018 / 28 октября 2018

Седмица 24-я по Пятидесятнице. Глас шестый.



Мц. Параскевы, нареченной Пятница (III).
Мчч. Терентия и Неониллы и чад их: Сарвила, Фота, Феодула, Иеракса, Нита, Вила и Евникии (249-250).
Прп. Стефана Савваита, творца канонов (IX).
Свт. Арсения I, архиеп. Сербского (1266).
Прп. Иова, игумена Почаевского (1651).
Свт. Димитрия, митр. Ростовского (1709).
Сщмч. Иоанна Виленского пресвитера (1918).
Новосщмч. свящ. Михаила (Лекторского) (1921).
Св. Арсения Каппадокийского (1924).
Прп. Нестора некнижного, Печерского, в Дальних пещерах (XIV).
Св. Феофила Киевского, Христа ради юродивого (1853).
Мчч. Африкана, Терентия, Максима, Помпия и иных 36-ти (III).
Сщмч. Кириака, патриарха Иерусалимского (363).
Прп. Иоанна Хозевита, еп. Кесарийского (VI).
Сщмч. Неофита, еп. Урбнисского (VI) (Груз.).
Свт. Фирмалиана, еп. Кесарии Каппадокийской, и прп. Малхиона, пресв.
Св. Февронии, дщери имп. Ираклия.
Прав. Параскевы, девы Пириминской, Пинежской.
Новомчч. Ангелия, Мануила, Георгия и Николая, Критских (Греч.).
Свт. Афанасия I, патр. Константинопольского (Греч.).
Покров Божией Матери (Греч.).

Чтения дня

Иоанна 10:1-9 (на утрене)
2 Коринфянам 11:1-6
Луки 8:16-21
Евреям 7:26-8:2 (святителю)
Иоанна 10:9-16 (святителю)

Тропари

Мц. Параскевы. Тропарь, глас 4.
Прему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́ и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те и огне́м сожги́те,/ аз бо, ра́дующися, иду́ ко Христу́, Жениху́ моему́./ Тоя́ моли́твами, Христе́ Бо́же,/ спаси́ ду́ши на́ша.

Ин тропарь святыя великомученицы Параскевы, глас 8.
И́же ве́руя и му́жеством душе́вным, тезоимени́тне,/ диа́вола посрами́ла еси́/ и мучи́тельское преще́ние и ра́ны до́блественне победи́ла еси́,/ му́ченице Параске́во, вопия́:/ мече́м сосеца́йте и огне́м сожиза́йте те́ло мое́,/ я́ко да, ра́дуюся, прииду́ Жениху́ моему́ Христу́ Бо́гу./ Его́же моли́ спасти́ся душа́м на́шим.

Кондак, глас 3.
Всесвято́е и непоро́чное муче́ние прине́сши,/ я́ко ве́но пречестно́е, безсме́ртному Жениху́ Христу́,/ Áнгельское ликостоя́ние возвесели́ла еси́/ и победи́ла еси́ де́монския ко́зни./ Сего́ ра́ди тя че́стно ве́рою чтим,/ му́ченице Параске́во многострада́льная.

Мчч. Терентия и Неониллы и чад их. Тропарь, глас 4.
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами/ спаси́ ду́ши на́ша.

Тропарь Стефана, глас 5.
Воздержа́нием житие́ украси́ и стра́сти умертви́в,/ посрами́л еси́ вра́жия прило́ги, о́тче Стефа́не,/ и преложи́ся к Бо́гу, чудотво́рец показа́ся,/ в ве́чней сла́ве со Áнгелы лику́я,/ с ни́ми же моли́ поми́ловати ду́ши на́ша.

Кондак Стефана, глас 4.
Насади́л еси́ доброде́телей рай/ и напои́л еси́ то́ками слез твои́х,/ я́ко жи́зни, всесла́вне, дре́во получи́в,/ спаси́ моли́твами твои́ми от тли ста́до твое́,/ изба́ви от обстоя́ний те́пле чту́щих тя, Стефа́не,/ тя бо предста́теля велича́йша, му́дре,/ вси ве́рою и любо́вию стяжа́хом.

Кондак, мучеников, глас 4.
Му́ченическая честна́я па́мять прии́де днесь, веселя́щи вся́ческая,/ Тере́нтия прему́драго и подру́жии его́./ Те́пле у́бо стеце́мся, да прии́мем исцеле́ние,/ си́и бо благода́ть прие́мше от Ду́ха Свята́го/ исцеля́ти неду́ги и боле́зни душ на́ших.

Свт. Димитрия, митр. Ростовского. Тропарь, глас 8.
Правосла́вия ревни́телю и раско́ла искорени́телию,/ Росси́йский целе́бниче и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,/ моли́ Христа́ Бо́га спасти́ся душа́м на́шим.

Кондак, глас 4.
Звезду́ Росси́йскую, от Ки́ева возсия́вшую,/ и чрез Но́вград Се́верский в Росто́в дости́гшую,/ всю же страну́ сию́ уче́ньми и чудесы́ озари́вшую,/ ублажи́м златослове́снаго учи́теля Дими́трия:/ той бо всем вся написа́, я́же к наставле́нию,/ да всех приобря́щет, я́коже Па́вел, Христу́/ и спасе́т правове́рием ду́ши на́ша.

Свт. Арсения, архиеп. Сербского. Тропарь, глас 8.
Ми́лости наста́вниче и благоутро́бия сокро́вище,/ е́же всем отве́рзл еси́,/ правове́рия учи́телю и архиере́ев Боже́ственное удобре́ние,/ о́тче наш, иера́рше Арсе́ние,/ ни́щих был еси́ засту́пник:/ тем моли́ Христа́ Бо́га,/ просвети́ти ду́ши на́ша, да не когда́ усне́м в смерть.

Кондак, глас 2.
В пи́щи слове́с твои́х, Богоно́се Арсе́ние,/ разу́мно ча́да твоя́ пита́я,/ язы́ком хваля́, устна́ми же пе́ние принося́, веща́нием зовы́й:/ Христе́, Ты еси Свет неизрече́нный.

Прп. Иова, игумена Почаевского. Тропарь, глас 4.
Многострада́льнаго пра́отца долготерпе́ние стяжа́в,/ Крести́телеву воздержа́нию уподобля́яся,/ Боже́ственныя же ре́вности обою́ приобща́яся,/ тех имена́ досто́йно прия́ти сподо́бился еси́/ и и́стинныя ве́ры был еси́ пропове́дник безбоя́знен;/ те́мже мона́хов мно́жества ко Христу́ приве́л еси́,/ и вся лю́ди в Правосла́вии утверди́л еси́,/ И́ове преподо́бне о́тче наш,/ моли́ спасти́ся душа́м на́шим.

Кондак, глас 4.
Яви́лся еси́ И́стинныя ве́ры столп,/ Ева́нгельских же за́поведей ревни́тель,/ горды́ни обличе́ние, смире́нным же предста́тель и науче́ние:/ те́мже и ублажа́ющим тя грехо́в отпуще́ние испроси́/ и оби́тель твою́ невреди́му сохрани́,/ И́ове о́тче наш,/ Многострада́льному подо́бный.

Св. Арсения Каппадокийского. Тропарь, глас 3.
Житие́ богоуго́дное до́бре сконча́в/ сосу́д че́стен Утеши́теля яви́лся еси́, Богоно́сне Арсе́ние,/ чуде́с благода́ть прии́м, всем подае́ши ско́рое вспоможе́ние,/ о́тче преподо́бне,/ Христу́ Бо́гу моли́ся/ дарова́ти нам ве́лию ми́лость.